السلام عليكم ورحمة الله
طلما انكم عملتم منتدى للعقيده يبقى اول موضوع ينزل عليه لازم يكون هوه التوحيد
والتوحيد فى الاسلام يكون بثلاثة اشياء هما
الاول اللسان وصورته انك تقول اشهد ان لا اله الا الله ومعنى الجمله دى انك بتعترف ان مفيش اله جدير بالعبوديه
غير الله ربنا عن طريق اللسان
التانى القلب وصورته ومعناه انك تكون معترف من داخلك ومقتنع ان مفيش اله للكون ده غير ربنا ولازم يكون اقتناعك ده
له دليل عليه الدليل ده هوه الشىء التالت اللى بيحصل بيه التوحيد
الشىء التالت هوه انك بتثبت للناس من خلال تصرفاتك انك موحد يعنى مش بتعبد غير اله واحد بتراعيه فى كل تصرفاتك
يعن بتصلى وبتصوم ووو.............. ومش بتسرق ولا بتغش ولا بترائى ولا ولا...........وكل ما تيجى تعمل حاجه
غلط بتفتكره ومش بتعمل الحاجه دى ولو فرضنا انك عملت الغلط ده برده بتفتكر ربنا فبتندم على الغلط وبتستغفر وبتنوى من جواك
بجد انك مش هاتعمله تانى
اه افتكرت..... تعرف العلماء للتوحيد هوه...
تعريفه لغة: مصدر وحد مشتق من الواحد فيقال وحّده وأحّده ومتوحّد أي متفرّد.
تعريفه شرعاً: إفراد الله تعالى بربوبيته وألوهيته دون سواه وأن الأسماء الحسنى والصفات العلا والاعتقاد برسالة محمّد صلى الله عليه وسلم وأنه خاتم الأنبياء واتباعه في ما جاء به